Yəməndə dinc sakinlərə zərbələr endirilir

BMT: "Hava zərbələrinin çoxu dinc sakinlərə düşür"

Ölkə.Az xəbər verir ki, BMT-nin humanitar məsələlər üzrə baş katib müavini Stiven Obrayen Yəməndə toyun atəşə tutulması hadisəsini araşdırmağa çağırıb.

"Münaqişə iştirakçıları - dövlətlər və ya qeyri-hökumət silahlı birləşmələri real məsuliyyət daşımalıdırlar", - deyə Obrayen bildirib.

Onun sözlərinə görə, Yəməndə münaqişə zamanı silahın tətbiqi zamanı qurbanların 95%-i dinc sakinlər olur.

Son məlumatlara əsasən, Yəmənin Damar vilayətində toyun hava zərbəsinə məruz qalması nəticəsində ölənlərin sayı 51-ə çatıb.

Səudiyyə Ərəbistanı martın 25-də husilərin Yəməndə ölkənin cənub əyalətlərinə irəliləməsinin qarşısını almaq və BMT-nin rəsmi olaraq tanıdığı prezident Əbd Rəbbi Mənsur Hadinin yenidən hakimiyyətə gətirilməsi məqsədilə Yəmənə qarşı hava hücumlarına başlayıb. 10 ərəb dövləti və ABŞ "Qətiyyət fırtınası" adlanan bu hərbi əməliyyatı dəstəkləyib.

Husilər ötən ilin sentyabrından Yəmənin paytaxta hücum edib, Mənsur Hadi hakimiyyətini devirərək paytaxt Sənanı nəzarətə götürüb. O, ötən ay ölkənin cənubundakı Ədən şəhərinə sığınıb. Üsyançılar cəbun regionlarına irəlilədiyinə görə onun artı ölkədən çıxdığı deyilir. Mənsur Hadi BMT Təhlükəsizlik Şurası və Ərəb Dövlətləri Liqasından husiləri dayandırmaq üçün hərbi yardım istəmişdi.

Rəşid Mustafazadə

Ölkə.Az