İlqar Məmmədov kimilər cılız hərəkətləri ilə özlərini ifşa edirlər - Əliabbas Salahzadə
"AŞPA-nın Azərbaycanla bağlı məlum qətnaməsi birbaşa beynəlxalq riyakarlığın və qərəzin nəticəsində məqsədyönlü şəkildə qəbul edilən sənəddir. Sənəd müəyyən anti-Azərbaycan güclər tərəfindən hazırlanaraq ölkəmizə qarşı təzyiq vasitəsi kimi sifarişlə qəbul edilib".
Bunu Ölkə.Az-a açıqlamasında deputat Əliabbas Salahzadə deyib.
Deputat təəssüflə qeyd edib ki, bu gün beynəlxalq aləmdə beynəlxalq təşkilatlarıdan üzərinə düşən missiyanı yetirmək əvəzinə hansısa ölkələrə qarşı bir təzyiq aləti kimi istifadə bir ənənə halını alıb: "Bu təşkilat ötən 20 il ərzində bir dəfə də olsun ki, Ermənistanın Azərbaycana qarşı işğalçılıq, terror, soyqırım, mədəni-tarixi-dini irsinə qarşı törədilən vandalizm hərəkələrinə reaksiya verməyib. Hətta Ermənistan prezidenti Serj Sərkisyan AŞPA tribunasından Azərbaycana qarşı törətdiyi hərbni cinayətləri etiraf edərək işğalçılıq, Xocalı kimi soyqırım hadisəsinə bəraət qazandırsa da, avropalı parlamentarilər onun dediklərini görməzlikdən gəliblər. AŞPA Ermənistanın bu hərbi cinayətlərini, milyona yaxın məcburi köçükünün pozulmuş elementar hüququnun təmin olunması, vandalizm hərəkətlərini pisləyib onlara sanksiya qəbul etmək əvəzinə bütün bunları səlahiyyətlərinə aid olmayan məsələ kimi qələmə verərək yayınıblar. Lakin Azərbaycan öz gücü hesabına beynəlxalq hüquq normaları daxilində beynəlxalq adaləti bərpa etməsini bu təşkilatlar və anti-Azərbaycan mərkəzlər həzm edə bilməyiblər. Ona görə də davamlı olaraq Azərbaycana qarşı hər cür çirkin niyyətlərini davam etdiriblər. Yanvarın 24-də Azərbaycana qarşı qəbul edilən bu qətnamə də bu qəbildəndir.
Bu bir da AŞPA-nın Fransa və Almaniya kimi ölkələrin əlində vasitə olduğunu ortaya qoyur. Bu iki ölkə bölgədə marağını təmin etmək üçün "Ermənistan kartından" yaralanmaqla AŞPA-dan Azərbaycana qarşı təzyiq vasitəsi kimi istifadə etməyə çalışırlar. O baxımdan bu heç də Ermənistanın maraqlarına xidmət etmir. Əksinə Ermənistan üzləşdiyi problemlərin xilas olmasına, qonşuları ilə normal münasibətlər qurmasına, Cənubi Qafqazda dayanıqlı sülhün əldə olunmasına ciddi maneə yaradır. Əslində bu addım Ermənistanı daha da çıxılmaz dalana dirəyir.
Odur ki, Avropanın səmərəsiz cəhdləri və qəbul olunmuş qərarının insan hüquqları ilə heç bir əlaqəsi yoxdur. Qəbul olunmuş qərar öz suverenliyini və ərazi bütövlüyünü bərpa etmiş Azərbaycana qarşı qisas cəhdidir. Amma həmin qüvvələr unudurlar ki, bu cür təzyiq metodları ilə Azərbaycanı öz qətiyyətli mövqeyindən geri çəkindirmək mümkün deyil. Çünki Azərbaycan vaxtilə Qarabağ probleminin həllinə görə Avropa Şurasına üzv olmuşdu. Artıq bu problem həll olunub və hazırda nəinki dünya səviyyəsində, heç Avropada da heç bir nüfuzu olmayan Avropa Şurasına Azərbaycanın heç bir ehtiyacı yoxdur.
AŞPA-da mövcud olan dözülməz irqçilik, Azərbaycanofobiya və İslamofobiya mühiti fonunda Azərbaycan nümayəndə heyəti AŞPA ilə əməkdaşlığı və təşkilatda iştirakını qeyri-müəyyən müddətə dayandırmaq qərarına gəlib".
Deputat onu da əlavə edib ki, Qərb ölkələri işlərini təkcə AŞPA kimi təşkilatlardan Azərbaycana təzyiq etmir, eyni zamanda ölkədaxilindəki əlaltıları olan 5-ci kolonun imkanlarından faydalanmağa çalışırlar: "Bu dəfə də Qərbin əlaltıları Fransa və Almaniyanın səyi ilə AŞPA-da qəbul edilən sənədə qarşı çıxmaq əvəzinə məlum sənədin müzakirəsi zamanı Azərbaycanı dəstəkləyən qardaş Türkiyəni hədəf seçmələri çox təəssüf doğurur. Real partiyasın sədri İlqar Məmmədov AŞPA-nın bu ədalətsiz qərarına qarşı çıxıb Avropanı beynəlxalq riyakarlıda ittiham etmək yerinə, hər zaman bütün məsələlərdə Azərbaycanın yanında olan Türkiyəni hədəf seçdi. İlqar Məmmədov avropalı ağalarından aldığı sifariş əsasında diqqəti AŞPA-nn məlum qərəzli qərarındna yayındırar Türkiyəyə yönəltmək olub. Məqsəd də bu iki qardaş ölkə arasında nifaq toxumu səpmək olub. Bu bir daha sübut edir ki, Qərb siyasi dairələrinin əlində alət olan İlqar Məmmədov kimilər üçün önəmli olan Azərbaycanın milli maraqları yox, ağalarının verdiyi sifari icra etməkdir. Amma bu insanlar unudurlar ki, bu cür çılız və ucuz vasitələrdən istifadə etməklə "Bir millət, iki dövlət" şüarı altında fəaliyyət göstərən qardaş ölkə arasında pozuculuq fəaliyyəti nəticə verməyəcək. Onsuz da cəmiyyətdə heç bir nüfuzu olmayan dağıdıcı fəaliyyətlə məşğul olan isnalar bu cür hərəkətləri ilə özlərini daha da ifşa etmiş olacaqlar".
Mürtəza
Ölkə.Az
