Bayden Trampı öz professoru adlandırıb

ABŞ prezidenti Co Bayden çıxışı zamanı səhvə yol verərək keçmiş Amerika lideri Donald Trampı sələfi deyil, öz professoru adlandırıb.

Ölkə.Az xəbər verir ki, Bayden Viskonsin ştatında çıxışı zamanı Tramp haqqında fikirlərini səsləndirərkən yanlışlıa yol verərək deyib: 

"Mən öz professorum haqqında danışmayacağam. Diqqətlə qulaq asın mənim sələfim fərqli bir kursu seçməli oldu. O, iqtisadiyyatı tükəndirmək, çox zəngin və böyük korporasiyalar üçün vergiləri azaltmaq, büdcə kəsirini əhəmiyyətli dərəcədə artırmaq yolunu seçdi", - prezident çıxışında deyib. 

Çıxışı zamanı Bayden pandemiya və tənəzzülü də bir-biri ilə qarışdırdı. "Bilirsiniz, indi, tənəzzüldən əvvəl - pandemiyadan əvvəl Amerikada təxminən 700 milyarder var idi", - Bayden deyib.

Bayden həmçinin bildirib ki, onun prezidentliyi dövründə Viskonsin ştatında 169 yeni iş yeri əlavə edib. “Mən prezident olduğumdan bəri ABŞ-da 14 milyon yeni iş yeri, Viskonsin ştatında isə 169 yeni iş yeri açılıb”, - deyən Bayden Viskonsin ştatında bu qədər az iş yerinin səbəbini də açıqlamayıb.

Mürtəza
Ölkə.Az