Heyvanlar dünyanı necə görür? - Alimlərdən yeni ixtira

Alimlər heyvanların dünyanı necə gördüyünü göstərən yeni kamera sistemi üzərində işləyirlər. 

Ölkə.Az xarici KİV-ə istinadla xəbər verir ki, kameranın 92% dəqiqlik dərəcəsinə sahib olduğu düşünülür.

Araşdırmalar çərçivəsində bir qrup elm adamı xüsusi kamera və proqram təminatından istifadə edərək mavi, yaşıl, qırmızı və ultrabənövşəyi kimi rənglərdə videolar hazırlayıb.

Tədqiqatçılar hər bir heyvanın rəngləri fərqli qəbul etdiyinə diqqət çəkiblər.

Kamera sistemində “şüa ayırıcı” adlı xüsusi hissənin olduğunu bildirən alimlər bu hissə sayəsində ultrabənövşəyi işığın normal işıqdan ayrılaraq iki fərqli kameraya paylandığını bildiriblər.

Normal kameralar və 3D printerlərin köməyi ilə istehsal edilən bəzi hissələrin birləşdirilərək yaradılan yeni kamera sistemi hələ satışda deyil. Lakin istifadə edilən proqram təminatı tədqiqatçıların faydalanması üçün açıq mənbə olaraq paylaşılıb.

Günay