Köçəryan da erməniləri döyüşə çağırdı

Ermənistanın sabiq prezidenti, Xocalı qatili Robert Köçəryan Ordu Günü münasibətilə təbrik məktubu göndərib.

"Ölkə.az" Publika.az-a istinadla xəbər verir ki, qandan doymayan Köçəryan xalqı yenə də döyüşə çağırıb, Ermənistan ordusunun əvvəlki mövqeyini bərpa edəcəyinə inandığını bildirib.

“Əziz həmvətənlər! Sizi Ermənistan Ordusu Günü münasibətilə təbrik edirik.

Ümid edirəm ki, Ermənistan ordusu belini düzəldəcək və əvvəlki şöhrətini və qüdrətini bərpa edəcək, erməni xalqı üçün bir daha ləyaqətli sülhü təmin edəcək”.

Görünür, Köçəryan qolu qandallı halda Bakıya gətirilməyənə qədər qan tökmək niyyətindən imtina etməyəcək.