Oyunda huşunu itirdi, xəstəxanada öldü
Panama millisinin sabiq futbolçusu Luis Tejada 41 yaşında dünyasını dəyişib
“Qafqazinfo” xəbər verir ki, bu barədə ESPN nəşri məlumat yayıb.
Məlumata görə, sabiq hücumçu veteranların oyunu zamanı huşunu itirib və xəstəxanaya aparılıb. Lakin Tejadanın həyatını xilas etmək mümkün olmayıb.
Qeyd edək ki, Luis Tejada 2001-2018-ci illərdə Panama millisində oynayıb. O, yığmanın bombardiridir - 108 oyunda 42 qol.
