“Tarqovı”nın ortasında elə bil Sibirdə yaşayırıq” - YENİLƏNİB
“Ölkə.Az”ın məlumatına görə, bu barədə sosial şəbəkələrdə paylaşım edilib.
“Azəristiliktəchizat” ASC-nin nümayəndəsi tərəfindən istilik haqları ödənilmədiyi təqdirdə yanvarın 29-dan istilik təchizatının dayandırılacağı ilə bağlı xəbərdarlıq elanı yerləşdirilib. Lakin sakinlər həmin tarixə qədər də istiliyin verilmədiyini deyirlər.
“Azəristiliktəchizat” ASC havalar soyuq olandan binamızın istiliyini kəsib. Gah deyirlər, qaz gəlmirdi, gah deyirlər, qazan partlamışdı. "Tarqovı"nın ortasında elə bil Sibirdə yaşayırıq”, - deyə jurnalist Pərviz Hüseyn bildirib.
***
“Azəristiliktəchizat” ASC-nin mətbuat katibi Elvin Basqallı məsələ ilə bağlı “Ölkə.Az”ın sorğusunu cavablandırıb. O bildirib ki, sözügedən binada 9 mənzil istilik alır və onların istilik almasında hər hansı problem yoxdur:
“Qazanxana çalışır, magistral və məhəllədaxili istilik xətləri işlək vəziyyətdədir. Əgər hər hansı bir mənzilin istiliyin keyfiyyətindən narazılığı varsa, “Azəristiliktəchizat” ASC-yə müraciət edə bilər. Bu zaman biz texniki dəstək göstərib baxış keçirə bilərik. Güman olunur ki, bu, binadaxili yaxud mənzildaxili problemdən qaynaqlanır.
Ödənişlərin tələb olunmasına gəlincə, abonentlərin vaxtlı-vaxtında ödənişləri etməsi məqsədəuyğundur və qazanxanaların çalışması, istilik keyfiyyətinin yüksək olması üçün vacibdir”.
Könül
Ölkə.Az
