Paris mühasirəyə alındı: Fransada fermer üsyanı - FOTOLAR
Fransalı fermerlər keçirdikləri aksiyaya hökumət tərəfindən reaksiya verilmədiyindən Parisin əsas magistralını 800-dən artıq traktorla bağlayaraq paytaxtı mühasirəyə alıblar.
Ölkə.Az xəbər verir ki, Parisə gedən yolu bağlayan fermerlər tələbləri yerinə yetirilənədək yolu bağlı saxlayıb etiraz aksiyasını davam etdirməyi planlaşdırırlar.
Traktor karvanının Parisin içərisinə doğru irəliləməsinin qarşısını almaq üçün hökumət zirehli texnika da daxil olmaqla çoxlu sayda polisi magistral yola yerləşdirib.
“Paris mühasirəsi” aksiyasının diqqət mərkəzində olan “Rungis Market”in girişində helikopterlərin havadan dəstəyi ilə sıx təhlükəsizlik tədbirləri görülüb.
Bundan əlavə, Paris Polis Departamenti dronlarla aksiyadan görüntülərin çəkilməsinə icazə verən fərmanın imzalandığını açıqlayıb.
Parisin mərkəzində 234 hektar ərazidə yerləşən və 12 mindən çox insanın işlədiyi bazara hər gün 8 min tondan çox məhsul daşınır.
Parisi 800-dən çox traktorla əhatə edən fermerlər məhsulların bazara daşınmasının qarşısını almağı hədəfləyirlər.
Etirazlara rəhbərlik edən ölkənin ən böyük fermer birliyi olan FNSEA-nın prezidenti Arnaud Russo Parisə gedən əsas yolları 30 kilometrə qədər nəqliyyatın hərəkətinə bağlayacaqlarını açıqlayıb.
O, Parisi mühasirəyə alma hərəkəti ilə "Fransızların həyatını pozmağı deyil, hökumətə təzyiqləri artıraraq böhrana ən qısa zamanda həll yolu tapmağı" hədəflədiklərini ifadə etdi.
Qeyd edək ki, Almaniya, Fransa, İspaniya, Hollandiya, Belçika, Polşa, İtaliya və Macarıstan başda olmaqla bir çox Aİ ölkələrinin fermerləri son zamanlar həyata keçirilən kənd təsərrüfatı siyasətlərinə kəskin etiraz edirlər.
Mürtəza
Ölkə.Az
