Məşhur aktrisa vəfat etdi

Məşhur “Broadway” aktrisası, amerikalı Çita Rivera 91 yaşında dünyasını dəyişib. 

Ölkə.Az “BBC”yə istinadla xəbər verir ki, Riveranın qızı Liza Mordente onun xəstəlik səbəbindən Nyu-Yorkda vəfat etdiyini söyləyib. 

“Tony Lifetime Achievement” mükafatına layiq görülən və 70 ilə yaxın davam edən uğurlu teatr karyerası ilə tanınan Rivera həmkarları və dostları tərəfindən də yad edilib. 

Qeyd edək ki, aktrisa “West Side Story"də Anita və "Bye Bye Birdie"də Rouz obrazlarını canlandırıb. Məşhur sənətçi həmçinin "The Rink" və "Kiss of the Spider Woman" musiqili teatra görə “Tony” mükafatına layiq görülüb. 

Günay