Güclü insan olmaq üçün 11 qayda

Türkiyəli yazıçı və davranış elmləri mütəxəssisi güclü insan olmağın qaydalarını açıqlayıb.

Ölkə.Az xəbər verir ki, qaydalar aşağıdakı kimi sıralanıb:
1. Uduzacağınızı bildiyiniz döyüşə və ya yarışa girməyin. Vaxtınızı və enerjinizi boş yerə sərf etməyin. Özünüzü sübut etmək üçün çıxdığınız yarışda məğlub olmayın.
2. Kimisə zorla özünə cəlb etməyə, inandırmağa, razı salmağa və ya özünüzü sevdirməyə çalışmayın. Zəif və gücsüz görünə bilərsiniz.
3. Bir az təmkinli olun. Hər sirri hər kəslə paylaşmayın. Hətta bəzi şeyləri heç kimlə paylaşmayın. Külək hıər şeyi tərsinə döndərsə, sirrinizi bilənlər ondan sizə qarşı istifadə edə bilərlər.
4. İşinizi yarımçıq qoymayın. Ya sona qədər görün ya da ləğv edin.
5. Planlarınız və xəyallarınız haqqında heç kimə deməyin. Sizi aşağılaya, lağ edə, həvəsinizi və motivasiyanızı məhv edə bilərlər. Uğur qazanmağınızdan qorxduqları üçün bunu edə bilməyəcəyinizi söyləyərək sizi fikrinizdən daşındıra bilərlər. Fikirlərinizi oğurlaya bilərlər. Hətta sizə mane olmağa cəhd edə bilərlər.
6. İnsanları yarı yolda qoymayın. Xəyanət etməyin, düşmən qazanmayın. Dost olmağa çalışın.
7. Yoxluğunuzu hiss etdirin. Dəyərli olun. Hər kəsin sizi dəvət etdiyi hər yerə getməyin. Bunu səbirsizliklə gözləyirmiş kimi davranmayın. Hər kəsin əlinin altında olma. Sirli olun. Öz dəyərinizi qoruyun.
8. Çox deyingən olmayın. Uğursuz olsanız belə, ağlamayın. Zəif görünməyin. Uğur qazandığınız zaman bunun çox çətin olduğunu söyləməyin. Asanlıqla bacarmışsınız kimi davranın. Nə qədər çətin olduğunu və səylərinizi onlara bildirməyin. Güclü görünün.
9. Bir işə başlamaq niyyətindəsinizsə, o sahə ilə bağlı hər şeyi araşdırmalısınız. Yoxsa aldadıla və müflis ola bilərsiniz.
10. Özünüzü tənqid edin və zəif tərəflərinizi bilin. Ən böyük zəifliyinizi ya gizlədin, ya da onu düzəltməyə və gücləndirməyə çalışın. Əks təqdirdə ən böyük zərbəni ən zəif yerinizdən vura bilərlər.
11. Ucuz olmayın. İnsanların sizdən qorxmadan, tərəddüd etmədən, əvəzini ödəmədən istifadə etməsinə icazə verməyin. Onlar başa düşməlidir ki, bunu edə bilməyəcəklər.

Billurə