Nazirlik Qurban Abasovu məhkəməyə verdi

Hacı Qurban kimi tanınan sahibkar Abasov Qurban İsmayıl oğlu məhkəməyə verilib.

“Ölkə.Az”ın məlumatına görə, İqtisadiyyat Nazirliyi yanında Dövlət Vergi Xidməti 8 Saylı Ərazi Vergilər İdarəsi sahibkarla bağlı iddia qaldırıb.

Məhkəmə işinin mahiyyəti vergi ödəyicisi olan fiziki şəxslərin və ya hüquqi şəxslərin icra orqanının rəhbərinin ölkədən getmək hüququnun müvəqqəti məhdudlaşdırılması haqqında işlər üzrə icraatdır.

İşə hakim Zaur Pirverdiyevin sədrliyi ilə baxılacaq.

Qeyd edək ki, Q. Abasov dövlət qurumlarının keçirdiyi milyon manatlıq tenderlərin qalibi olan “İlkin-N” MMC-nin qanuni təmsilçisidir. 2013-cü ildə mətbuatda Q. Abasovun oğlunun toy karvanında eyni markalı 25 “Gelandewagen” avtomobilinin iştirak etməsi ilə bağlı xəbərlər dərc olunmuş və sahibkarın adı bu məsələ ilə gündəmə gəlmişdi.

Könül
Ölkə.Az