Sürücülük vəsiqəsi üçün sınaq müddəti - Yol Polisindən açıqlama

Bir müddət əvvəl nəqiliyyat eksperti Elməddin Muradlı deyib ki, təcrübəsiz sürücülər üçün sınaq mərhələsi layihəsi təşkil olunacaq. “Yəni sürücülük vəsiqələri sınaq müddəti çərçivəsində veriləcək və sürücü bu mərhələdən uğurla keçməsə, qısa müddət ərzində kobud qayda pozuntusuna yol versə, onun idarə etmə hüququ məhdudlaşdırılacaq".

Bu ddialar vətəndaşlar arasında çaşqınlıq yaradaraq, müzakirələrə səbəb olub. 

Baş Dövlət Yol Polisi İdarəsindən mövzu ilə bağlı yenisabah.az-a verilən açıqlamada bildirilib ki, sözügedən iddialar reallığı əks etdirmir. Hələlik bu barədə yalnız müzakirələr aparılır. 

Layihənin nə vaxt və hansı müddəalarla qəbul olunacağı barədə dəqiq məlumat yoxdur.