Novella Cəfəroğlu: “Kimi seçsələr, deməli, ona səs vermişəm...”

“Prezident seçkilərinə səsvermədə iştirak etmişəm. Səs də vermişəm. Ümumi vəziyyət, doğrudan da, yaxşıdır. Səsverməyə çox adam gəlir. Hələ ki, 7 məntəqəyə getmişəm, hamısında seçici kifayət qədərdir. “Mənim Səsim” Seçki-Monitorinq Koalisiyası 63 dairədə müşahidə aparırlar. Suqovuşanda, Şuşada da müşahidəçilərimiz var. Hər tərəfdən şəkil göndərirlər, insanların seçkiyə gəlişini göstərirlər. Doğrudan da, vətəndaşlar səsvermədə çox aktiv iştirak edirlər. Xoşuma gəlir, hələ ki, yaxşı gedir. Allahın izni ilə yaxşı nəticələnər”. 

Bu sözləri Pravda.az-a açıqlamasında hüquq müdafiəçisi Novella Cəfəroğlu deyib. 

O, hansı namizədə səs verməsi barədə də sualı belə cavablandırıb: “Demərəm. Seçiləndə biləcəksiniz. Kimi seçsələr, deməli, ona səs vermişəm...”