Öz komandası Paşinyanın dərisini soyacaq - Kiviryan

Nikol Paşinyan komandasına, xüsusən də Alen Simonyanın ailəsinə qarşı son hücumlardan sonra geri çəkilərsə, o zaman ilk növbədə öz komandası onun dərisini soyacaq. 

Ölkə.Az xəbər verir ki, bunu erməni ekspert Arqişti Kiviryan erməni mediasına müsahibəsində deyib.

“Gəlin xatırlayaq görək, Alen Simonyan inqilabdan əvvəl kim idi? Bu adam şou-bizneslə bağlı efirlərdən heç vaxt ayrılmayıb. Biz bilirik ki, həm keçmişdə, həm də indiki şou-biznes indiki hakimiyyətlə bağlıdır. Onun hər zaman bu sahədə olması onu göstərir ki, o, əvvəlki hakimiyyət tərəfindən qəbul edilən, himayə olunan bir insandır. İstisna etmirəm ki, bu, əvvəlki hakimiyyətin ayrı-ayrı nümayəndələri ilə indiki iqtidar arasında informasiya, təminat və digər körpüdür. Amma bu gün bu adam (Alen Simonyan-red) faktiki olaraq Nikola meydan oxudu, ona tüpürdü. Nikol Paşinyan bu dəqiqə susur. Akop Arşakyan Alen Simonyanın Nikola tüpürdüyünü görüb fikirləşdi ki, yaxşı, mən də tüpürürəm. İndi bu məqsədlə Nikolun komandası növbədə dayanacaq. O geri çəkilərsə, dərisini soymaq üçün sıraya düzüləcəklər”, - Kiviryan bildirib.

Ekpsert Paşinyan komandasında baş verən son hadisələri “Gəmidə qiyam” adlandırıb. 

“Bu, gözlənilən proses idi. Biz hökumət daxilində böhranın olduğunu açıq şəkildə görürük. Mən illərdir deyirəm ki, hakimiyyət dəyişikliyi küçədən yox, hakimiyyət daxilində çatlar yarananda ola bilər. Küçə mübarizəsinin nəticə vermədiyini görürük, amma qarşıdan gələn hakimiyyət böhranını açıq şəkildə görürük. Bu, dərin böhrandır”, - Kiviryan qeyd edib.

Ekspert əlavə edib ki, əgər parlament ölkələrində belə böhranlar həll oluna bilmirsə, o zaman böhran bütün sistemi çökdürə bilər. 

Mürtəza
Ölkə.Az