Putin: "Suriyada yerüstü əməliyyat olmayacaq"

"Əməliyyatlar əvvəlcədən təyin edilmiş planlar üzrə baş verir"

Ölkə.Az xəbər verir ki, Rusiya Federasiyası prezidenti rusiyalı hərbçilərin Suriyada İŞİD terror təşkilatına qarşı yerüstü əməliyyat keçirməyəcəyinin bəyan edib.

O, bu barədə Rusiya televiziyalarından birinə geniş müsahibəsində danışıb. Putin vurğulayıb ki, Rusuya hava qüvvələrinin əməliyyatları körtəbii yox, əvvəlcədən təyin edilmiş planlar üzrə baş verir.

Qeyd edək ki, bir müddət öncə son sutkalar ərzində Rusiya hərbi-qüvvələri tərəfindən 64 hərbi uçuşun həyata keçirildiyi məlum olub.

Xatırladaq ki Rusiya hava-kosmik qüvvələri sentyabrın 30-dan Suriya prezidenti Bəşər Əsədin xahişi üzrə terrorçuların bu ölkə ərazisindəki mövqelərinə dəqiq zərbələr endirməyə başlayıb.

Rəşid Mustafazadə

Ölkə.Az