Bu müsəlman ölkəsində seçki günüdür
Bu gün Pakistan İslam Respublikasında seçki günüdür.
Ölkə.Az xarici KİV-ə istinadla xəbər verir ki, 128 milyondan çox seçici ölkədə 5 il müddətində qanunvericilik səlahiyyətlərini icra edəcək Pakistan Milli Məclisi (NA) və əyalət məclislərinin seçkiləri üçün səs verməyə başlayıb.
Yerli vaxtla saat 08:00-da başlayan səsvermə prosesi saat 17:00-da başa çatacaq.
Milli Assambleyada 266 yer uğrunda 5 min 121 namizəd, 4 ştatın məclislərində isə 593 yer uğrunda 12 min 695 namizəd mübarizə aparır.
Vətəndaşlar ölkə üzrə yaradılmış 90 min 675 seçki qutusunda səs verəcəklər.
Hökuməti formalaşdıracaq baş nazir Milli Assambleya üzvləri arasından seçiləcək. Parlamentdə 169 səs çoxluğu toplayan namizəd ölkənin 25-ci baş naziri olacaq.
Pakistan Müsəlman Liqası-Nəvaz partiyasının lideri, keçmiş baş nazir Nəvaz Şərif və Pakistan Xalq Partiyasının (PPP) lideri, keçmiş baş nazir Bənazir Bhuttonun oğlu Bilawal Bhutto Zərdari baş nazir postuna seçkilərdə ən güclü iki namizəd kimi seçilir.
Həbsdə olan keçmiş baş nazir İmran Xanın partiyası olan Pakistan Ədalət Hərəkatı (PTI) də tanınmış partiyalar sırasındadır.
Qeyd edək ki, Pakistanda sonuncu ümumi seçkilər 2018-ci ildə keçirilib və İmran Xan hökuməti vəzifəyə başlayıb.
10 aprel 2022-ci ildə Pakistan Milli Assambleyasında keçirilən etimad səsverməsində İmran Xan hökuməti 174 "yox" səsi ilə geriləyib.
11 aprel 2022-ci ildə parlamentdə keçirilən seçkidə 174 səslə əksəriyyətin dəstəyi ilə baş nazir vəzifəsinə üç dövr baş nazir vəzifəsində çalışan Nəvaz Şərifin qardaşı Şahbaz Şərif seçilib və 2023-cü ilin avqustuna qədər ölkəni idarə edib.
Ümumi seçkilərə qədər ölkəni idarə edəcək müvəqqəti hökumətin baş naziri Ənvarul Hak Kakar 2023-cü il avqustun 14-də and içib.
Billurə
