Bolgerdən Həcc ziyarətinə ağız büzənlərə cavab: Las-Veqasda Həcc ziyarəti qədər pul xərcləyirəm

Həcc ziyarətini din tərəfində yox, turizm mövzusunda dəyərləndirsək, dini turizm kateqoriyasına aiddir.

Ölkə.az bildirir ki, bu fikirləri texno-bloger Fərid Pərdəşünas öz sosial media hesabında yazıb.

Texno-bloger Həcc ziyarətinə xərclənən pulla bağlı narazılıq edənlərə fikirlərini belə izah edib: "Necə ki, çirkli əyləncə üçün Las-Veqasa, Amsterdama, tibbi turizm üçün İsrailə, Türkiyəyə, tarixi yerlər üçün Avropaya gediriksə, dindar vətəndaşlar da öz ziyarətləri üçün ərəb ölkələrinə üz tuturlar. Vətəndaşlar şəxsi vəsaitlərini öz inanclarına, seks təlabatına, qumara, sağlamlığa, dünya görüşünə xərcləməkdə sərbəstdirlər. Bu mövzuda heç kim qınana bilməz".

Bloger bildirib ki, o özü hər il Las-Veqasda Həcc ziyarəti qədər pul xərcləyir: "Mənə hansısa dindar demir ki, onu kasıb-kusuba payla. Dindar da Həccə gedəndə mən ona belə təklif etmirəm. Hər şey bu qədər sadədir. Sadəcə hörmət".