Rusiyanın təyyarələri özünə qarşı istifadə edilib
Rusiya Federal Təhlükəsizlik Xidməti (FSB) 59 mülki təyyarə və helikopterin Rusiya yurisdiksiyasından qeyri-qanuni çıxarılması ilə bağlı cinayət işləri üzrə Federal Hava Nəqliyyatı Agentliyində axtarışlar aparıb.
Ölkə.Az xəbər verir ki, bu barədə “İzvestiya” yazır.
Nəşrin yazdığına görə, Moskvada Federal Hava Nəqliyyatı Agentliyinin (Rosaviasiya) mərkəzi ofisində axtarışlar qurumun bir neçə əməkdaşına qarşı səhlənkarlıq və vəzifə səlahiyyətlərindən sui-istifadə ilə bağlı cinayət işləri çərçivəsində aparılıb. Təqsirləndirilən şəxslər 59 təyyarə və helikopteri qanunsuz olaraq Rusiya yurisdiksiyasından çıxarmaqda şübhəli bilinirlər. Həmin təyyarə və helikopterlərin bəziləri dost olmayan ölkələrə gedib və Ukraynaya hərbi yardım göstərmək üçün istifadə olunub.
Araşdırma nəticəsində bəlli olub ki, "Rosaviasiya"nın əməkdaşları Ukraynada müharibə başladıqdan sonra prezidentin fərmanlarını və hökumətin qaydalarını pozaraq təyyarələri və helikopterləri qeydiyyatdan çıxararaq xarici ölkələrə satıblar.
O da bəlli olub ki, 2022-ci ilin martından 2023-cü ilin iyununa qədər 59 təyyarə qanunsuz olaraq satılıb. Təyyarələrin 36-sı xaricə, 21 isə Avrasiya İqtisadi İttifaqından (Aİİ) kənar dövlətlərin sakinləri tərəfindən alınıb ki, onun da 8-i dost olmayan ölkələrə satılıb.
Mürtəza
Ölkə.Az
