Biz oyun oynayırıq, diplomatiya aldatmadır - Melkonyan

"Bakı, Ankara, Moskvanın bizə qarşı əsas tələbi Zəngəzur dəhlizidir. Moskva isə istəyir ki, dəhlizə nəzarət Rusiya sərhəd qoşunları tərəfindən həyata keçirilsin". 

Ölkə.Az xəbər verir ki, bunu erməni deputat, keçmiş müdafiə nazirinin müavini Qaqik Melkonyan bildirib.

“Yəni burada hamı Zəngəzur dəhlizinə sahib olmaq istəyir. Türkiyə istəyir, Rusiya istəyir, Azərbaycan istəyir. Amma İran deyir ki, bu dəhliz bizim üçün qırmızı xəttdir. Biz başa düşməliyik ki, bu dəhlizin qiyməti nə qədər olacaq? “Dünyanın kəsişməsi” deyəndə biz bu yolların açılmasına razıyıq, lakin onlar bizim nəzarətimizdə olmalıdır. Biz demirik ki, onlar açılmayacaq. Amma ruslar, türklər, azərbaycanlılar deyir ki, yox, sizin nəzarətinizdə olmaz", - Melkonyan qeyd edib.

O əlavə edib ki, onlar diplomatiya oyunu oynayırlar: "Amma biz “yox” deyirik, vəssalam. Biz diplomatiya oyunu oynamaq istəyəndə bəzi müxalifətçilərimiz də deyirlər ki, yalan danışırlar. Anladığım qədər, diplomatiya aldatmadır”.

Mürtəza
Ölkə.Az