Cavabımız son dərəcə sərt olacaq – Rusiya bəyan etdi

Qərbin Rusiya Federasiyasının dondurulmuş aktivlərini ələ keçirməsinə Moskvanın cavabı son dərəcə sərt olacaq.   

Ölkə.Az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.

Zaxarova Qərbin bu addımını oğurluq adlandırıb.

O qeyd edib ki, buna görə məsuliyyət daşıyanlara müvafiq qaydada rəftar ediləcək: "Siyasi manipulyatorlar və ya “aşırı texnoloqlar” kimi deyil, oğrular kimi".

Diplomat həmçinin qeyd edib ki, Qərb “Ukrayna münaqişəsinin və Kiyev rejiminin” saxlanması xərclərini kompensasiya etmək üçün Rusiyanın aktivlərini müsadirə etmək istəyir.

Qeyd edək ki, Aİ Şurası Rusiyanın dondurulmuş aktivlərindən əldə edilən gəlirlərin Ukraynanın bərpası üçün istifadə edilməsi üçün hüquqi bazanın yaradılmasına imkan verən qətnamə qəbul edib. 

Mürtəza
Ölkə.Az