Ağ Evdən Kremlə cavab: Yalandır!

ABŞ hakimiyyəti Ukraynadakı münaqişəyə son qoymaq üçün rusiyalı həmkarları ilə danışıqlar aparmayıb və aparmayacaq da.

Ölkə.Az xəbər verir ki, bu barədə Dövlət Departamenti bir gün əvvəl "Reuters"in Kremlin Ağ Evlə Ukraynada atəşkəslə bağlı aparıldığı danışıqlar barədə məlumata cavab olaraq verdiyi  açıqlamada deyilir.  

“Biz “Ukraynasız Ukrayna haqqında heç nə” prinsipinə sadiqik. Biz Ukraynanın ərazisini verməyə məcbur edilməsinin tərəfdarı olmadıq. Rusiya düşünə bilər ki, bu müharibəyə son qoymağın yolu Vaşinqtondan keçir. Bu, əlbəttə ki, doğru deyil”, - Dövlət Departamentinin bəyanatında deyilir.

Dövlət Departamenti əlavə edib ki, Rusiya açıq şəkildə münaqişəyə son qoymaqda maraqlı siqnallar göndərib, lakin Rusiya hakimiyyətinin ilkin tələblərindən imtina ilə bağlı “istənilən danışıqlara girməyə” hazır olduğuna dair heç bir əlamət yoxdur.

Qeyd edək ki, "Reuters"in məlumatında qeyd olunub ki, 2023-cü ildə prezident Vladimir Putin Yaxın Şərqdəki vasitəçilər vasitəsilə ABŞ-a Ukraynada atəşkəs rejimini müzakirə etməyə hazır olduğu mesajını çatdırıb. 

Mesajda eyni zamanda, Rusiya Federasiyası hərbi əməliyyatlar zamanı nəzarəti əldə etdiyi ərazilərin heç birini verməyə hazır olmadığını bildiirb. Agentliyin həmsöhbətlərindən biri Amerika tərəfi ilə danışıqların iflasa uğradığını bildirib.

Mürtəza
Ölkə.Az