Moskvadan Gəncəyə uçan təyyarə Bakıda eniş etməli oldu
“Azərbaycan Hava Yolları" (AZAL) aviaşirkətinin J2-5829 nömrəli Moskva (Vnukovo hava limanı) - Gəncə reysini yerinə yetirən hava gəmisinin kapitanı Heydər Əliyev Beynəlxalq Aeroportuna eniş etmək qərarı verib.
Bu barədə “Ölkə.az”a AZAL-ın Mətbuat xidmətindən bildirilib.
Buna səbəb Gəncə hava limanı ətrafındakı əlverişsiz hava şəraiti (duman) olub.
Təyyarə yerli vaxtla saat 15:47-də Bakı hava limanına uğurla eniş edib.
