Üsyançılarla kürdlər yeni alyans yaratdı
Alyansın əsas məqsədi İŞİD-ə qarşı mübarizə aparmaqdır
Ölkə.Az "Reuters" informasiya agentliyinə istinadən xəbər verir ki, suriyalı üsyançılar kürdlərlə İŞİD terror təşkilatına qarşı ittifaq bağlayıb.
Yeni alyans "Suriya demokratik qüvvələri" adını alıb. Alyansa Kürdlərin Xalq Özünümüdafiə Birlikləri (YPG) və ABŞ tərəfindən dəstəklənən "Suriya ərəb koalisiyası" birləşmələri daxildir.
Alyansın əsas məqsədi İŞİD-ə qarşı mübarizə aparmaqdır.
Yaxın zamanlarda islamçıların faktiki paytaxtı olan Rakka şəhərinə hücum gözlənilir. Hücum ərəb birləşmələri tərəfindən aparılacaq, kürdlər isə müdafiədə olacaq.
Rəşid Mustafazadə
Ölkə.Az