Kamil Zeynallı böyük dəstək aldı - FOTO
Tanınmış fitnes məşqçisi Kamil Zeynallının Moskvada saxlanılması cəmiyyəti narahat edib.
Ölkə.Az xəbər verir ki, bir çox məşhurlar K.Zeynallının videosunu izləyiciləri ilə paylaşaraq ona dəstəyini ifadə edib.
Onlar arasında tiktoker Sabir Samiroğlu, aktyor Elvin Ağayev, müğənnilər Samirə, Xatun, Roza Zərgərli, Zenfira İbrahimova, Yaşar Cəlilov, Bahar Lətifqızı aparıcı Cavid Gül, meyxanaçılar Oqtay Kamil və Ələkbər Yasamallı, müğənni Elnur Məmmədov, qazi Amin Musayev, bloger Fuad İskəndərov, aktyor Elşən Orucov yer alıb.
Bahar Lətifqızı "Ümidvaram ki, dövlətimiz səni darda qoymayacaq. Dualarımız səninlə olsun. Allah səni dünya boyda sevən qızına bağışlasın" sözlərini yazıb.
Ələkbər Yasamallı isə paylaşdığı videoya "Dövlət başçımız heç vaxt heç bir vətəndaşı düşmən əlində əsir qoymayıb, dualarımız səninlədir" qeydini yazıb.
