Rusiyadan sürpriz "KAAN" bəyanatı: Biz hazırıq

Türkiyənin beşinci nəsil milli savaş təyyarəsi olan "KAAN"a Ukrayna ilə yanaşı, Rusiya tərəfi də bu təyyarəyə ciddi maraq göstərdiyini açıqlayıb.

Ölkə.Az xəbər verir ki, bununla bağlı açıqlama verən Rusiyanın İstanbuldakı baş konsulu Andrey Buravov ölkəsinin beşinci nəsil "KAAN" döyüş təyyarəsinin birgə istehsalına hazır olduqlarını bəyan edib.

"Biz də bu mövzuda hərbi-texniki əməkdaşlığı inkişaf etdirmək istəyirik. Bununla bağlı təkliflərimizi də vermişik. Bu təyyarələrlə bağlı işbirliyinin davam etdirilməsi istiqamətində əlaqədar rəsmi qurumlarımız və şirkətlərimiz arasında da müxtəlif səviyyələrdə müzakirələr aparılıb. Müvafiq şirkətlərimiz və qurumlarımız birlikdə işləməyə hazır olduqlarını bildiriblər", - rus diplomat qeyd edib.

Mürtəza
Ölkə.Az