Daha bir ölkədə qızıl mədəni çökdü - VİDEO

Venesuelanın Bolivar əyalətində yerləşən Anqostura şəhərində qeyri-qanuni fəaliyyət göstərən Bulla Loca adlı qızıl mədənində çökmə baş verib.

Ölkə.Az xarici KİV-ə istinadla xəbər verir ki, hadisə nəticəsində 30 nəfər həlak olub, 100-ə yaxın insan isə yerin altında qalıb .

Venesuela mətbuatında yer alan xəbərə görə, çökmə sürüşmə nəticəsində baş verib.

Bolivar Təhlükəsizlik katibi Edqar Kolina Reyes müstəqil komissiyanın bölgəyə köçdüyünü və hadisə ilə bağlı hərtərəfli araşdırmaya başlanıldığını açıqlayıb.

Venesuela Rabitə və İnformasiya Nazirliyi isə səlahiyyətlilərin ölən, köməksiz vəziyyətdə qalan və ya yaralananların dəqiq sayını hələ bilmədiyini söyləyib.

Axtarış-xilasetmə qrupları helikopterlə qəsəbəyə göndərilib.

Qeyd edək ki, Braziliya ilə sərhəddə yerləşən Bolivar əyaləti zəngin qızıl, almaz, dəmir, boksit və koltan ehtiyatları ilə tanınır.

Xatırladaq ki, daha öncə fevralın 13-ü Türkiyənin Ərzincan vilayətinin İliç rayonunda qızıl mədəninin yerləşdiyi geniş ərazidə torpaq sürüşməsi baş verib.

Günay