Türkiyə ilə Somali 10 illik saziş imzaladı

Türkiyə ilə Somali arasında Müdafiə və İqtisadi Əməkdaşlıq Çərçivə Sazişi imzalanıb.

Ölkə.Az “Haberler.com”a istinadla xəbər verir ki, Somali Prezidenti Həsən Şeyh Mahmud Türkiyə ilə Somali arasında imzalanan sazişinin bölgə ölkələri üçün təhlükə yaratmadığını söyləyib.

“Türk qardaşlarımız bu müqavilə çərçivəsində dənizlərimizi cəmi 10 il qoruyacaq. 10 illik əməkdaşlıqdan sonra bizimdə dənizlərimizi qoruyacaq donanmamız olacaq.

Türkiyənin Somaliyə verdiyi dəstək dünyanın digər ölkələrinin verdiyi dəstəkdən fərqlidir.

Sazişin Efiopiya və ya hər hansı digər ölkəyə qarşı düşmənçilik niyyəti yoxdur”.

Qeyd edək ki, saziş Somalidə terrorla mübarizə, xarici təhdidlər, dəniz quldurluğu və qeyri-qanuni balıq ovu, sahillərin qorunması və dəniz ehtiyatlarının inkişafı kimi mövzularda əməkdaşlığı əhatə edir.

Günay