“Bu, Azərbaycanı dayandıra bilməz” – Manvelyanın isterikası

Almaniyanın Cənubi Qafqazda heç bir təsiri yoxdur, ona görə də Şoltsun vasitəçiliyinə böyük əhəmiyyət verməl lazım deyil. 

Ölkə.Az xəbər verir ki, bunu enerji təhlükəsizliyi üzrə ekspert Armen Manvelyan deyib.

“Hətta Əliyev Paşinyanla görüşdən razı qaldı. Bu o deməkdir ki, Ermənistan hansısa başqa güzəştə getdiyi üçün risklər artır. Söhbət Müstəqillik Bəyannaməsinin Ermənistan Konstitusiyasından çıxarılmasından gedir. 
Amma bu, Azərbaycanı dayandıra bilməz. O, ad-infinitum güzəştlər, o cümlədən anklavlar şəklində Ermənistanın 200 mindən 400 min nəfərədək azərbaycanlılar tərəfindən məskunlaşdırılmasını və sair tələblərini davam etdirəcək”, - o qeyd edib.

Onun sözlərinə görə, Ermənistanın təhlükəsizliyi hətta 44 günlük müharibə zamanı belə pis vəziyyətdə olmayıb, ölkə ciddi təhdid və çağırışlarla üz-üzədir.

“Ermənistan hakimiyyətinin yüngül əli ilə Rusiya ilə Qərb arasında geosiyasi toqquşma İrəvanın mərkəzində baş verir. Eyni zamanda, əvvəlki hakimiyyət dövründə Aİ ilə münasibətlər indikindən daha yaxşı idi. Eyni şey ABŞ ilə münasibətlərə də aiddir”, - ekspert vurğulayıb.

Paşinyanın Britaniya kəşfiyyatının rəhbəri ilə görüşünə gəldikdə ekspert deyib ki,  bu Ermənistanın kənardan idarə olunması deməkdir:

“Bu, yaxşı münasibətlərdən yox, Ermənistanın müstəmləkəçiliyindən xəbər verir".

O həmçinin əlavə edib ki, Böyük Britaniya Azərbaycanın enerji resurslarında ən böyük paya nəzarət edir: "London Azərbaycanpərəst mövqedən çıxış edir, çünki bu onun maraqlarına uyğundur”, - Manvelyan vurğulayıb.

Mürtəza
Ölkə.Az