Bakı-Sumqayıt qatarı niyə yolda qalıb? - RƏSMİ AÇIQLAMA - FOTO/VİDEO - YENİLƏNİB
Bu gün axşam saatlarında Bakı-Sumqayıt istiqamətində hərəkət edən 6623 saylı sürətli sərnişin qatarı Pirşağı sahəsində olarkən gərginliyin verilməsində yaranmış texniki nasazlığa görə dayanmalı olub.
Bu barədə "Ölkə.az"a Azərbaycan Dəmir Yolları” QSC-dən (ADY) bildirilib.
Qeyd edilib ki, əraziyə cəlb olunan ADY-nin texniki heyətinin dəstəyi ilə nasazlıq aradan qaldırılmış və qatarın hərəkəti bərpa olunmuşdu. Sözügedən hadisə ilə əlaqədar olaraq həmin istiqamətdə hərəkət edən qatarların qrafikində qismən kənara çıxmalar müşahidə olunmuşdur.
Bəzi saytlarda qatarın qəzaya uğraması, partlayışın baş verməsi və ya xəsarət alanların olması ilə bağlı paylaşılmış xəbərlər həqiqəti əks etdirmir.
***
Bakı-Sumqayıt qatarında qəza olması barədə məlumatlar yayılıb.
"Ölkə.az" xəbər verir ki, bu barədə sosial şəbəkələrdə paylaşım edilib.
Məlumatlarda qeyd olunur ki, Bakı-Pirşağı-Sumqayıt sürət qatarının elektrik naqili sıradan çıxdığı üçün qatar Pirşağı stansiyasının yaxınlığında hərəkətini dayandırıb.
