OPEK Azərbaycanı Vyanaya çağırdı

Neft İxrac Edən Ölkələr Təşkilatının (OPEK) oktyabrın 21-də keçiriləcək görüşünə quruma üzv olmayan 8 ölkə - Azərbaycan, Braziliya, Kolumbiya, Qazaxıstan, Norveç, Meksika, Oman və Rusiya dəvət edilib.

Bu barədə Venesuelanın neft naziri Euloqio del Pino Reuters-ə bildirib.

“İclasda iştirakla bağlı ölkələrin təsdiqləri tədricən gəlir və iclasda kifayət qədər nümayəndə heyətlərinin təmsil olunması üçün mən şəxsən nazirlərə zəng edirəm”, - deyə nazir bildirib.

Venesuela bazarın tədricən sabitləşməsi və neftin qiymətlərinin qalxması üzrə yeni strategiyanı oktyabrın 21-də təqdim edəcək.

Onu da əlavə edək ki, oktyabrın 21-də nəzərdə tutulmuş görüş Avstriyanın paytaxtı Vyanada təşkil ediləcək.oxu.az

Ölkə.Az