Bakıda 16 yaşlı qızın toyunun qarşısı belə alındı - YENİLƏNİB/ FOTO

Ötən gün qarşısı alınan erkən nikah səbəbkarları, yəni valideyinlər  Sabunçu Rayon İcra Hakimiyyətinə dəvət olunaraq,onlarla profilaktik söhbət aparılıb, izahatları alınıb.

Ölkə.Az xəbər verir ki, bu barədə Ailə, Qadın və Uşaq Problemləri Üzrə Dövlət Komitəsinin sözçüsü Teymur Mərdanoğlu məlumat verib. O bildirib ki, azyaşlı və valideynlərinə eyni zamanda qarşı tərəf və onun valideyinlərinə  qanunvericiliyin tələbləri izah olunaraq onlara xəbərdarlıq olunub:

"Onlar əməllərindən peşman olduqlarını bildirərək, qanunvericiliyin tələblərinə əməl edəcəklərini bildiriblər.
Azyaşlı və onun ailəsi Ailə, Qadın və Uşaq Problemləri üzrə Dövlət Komitəsi,Rayon İcra Hakimiyyətinin həmçinin rayon polis şöbəsinin nəzarətində saxlanılmaqla, yiyələndiyi peşə təhsilini davam etdirəcək".

***

09:52

Azərbaycanda daha bir erkən nikahın qarşısı alınıb.

Ölkə.Az xəbər verir ki, bu barədə Azərbaycan Uşaqlar Birliyi - Uşaq Sığınacağı Reinteqrasiya Mərkəzinin sədri Kəmalə Ağazadə bildirib.

O, əvvəlcə 28 fevralda Bakı kəndlərindən birində 16 yaşlı qızın toyu olacağı barədə məlumat yayıb və bununla bağlı müvafiq tədbirlərin görülməsi üçün aidiyyəti qurumlara müraciət edib.
Daha sonra isə K.Ağazadə Ailə, Qadın və Uşaq Problemləri üzrə Dövlət Komitəsinin dərhal məsələyə müdaxilə etməsi ilə Maştağadakı toyun qarşısının alındığını deyib.

O həmçinin qeyd edib ki, Daxili İşlər Nazirliyi əməkdaşları onun atdığı lokasiya ilə ailənin ünvanını tapıb: 

"Sabunçu Rayon İcra Hakimiyyəti sabah ailəni komissiyaya dəvət edəcək. Xahiş edirəm, qıza seksual hərəkətlərin olması ilə bağlı xüsusi araşdırma aparılsın" , - deyə əlavə edib.

Toyun "Oliqarx" şadlıq sarayında keçirilməsinin planlaşdırıldığını deyən K.Ağazadə restoran sahiblərinə də səslənərək, toyu olacaq şəxslərin vəsiqələrini, nikah sənədini tələb edilməsini istəyib.

"Əks halda siz də məsuliyyyət daşıyırsınız! Vicdanınızı pula satmayın". 

Billurə