Erməniləri çiyinlərində daşımayacaqlar, itələyib boğacaqlar - Lukaşenko

"Ermənistan hakimiyyəti davamlı olaraq Fransada Emmanuel Makronla əlaqə saxlayır. Ardınca bəyanatlar verilir ki, Fransa hava hücumundan müdafiə sistemləri, hərbi sahədə və iqtisadiyyatda kömək edəcək. Ümumiyyətlə, İrəvanı çiyinlərinə alıb daşıyacaqlar".

Ölkə.Az xəbər verir ki, bunu Belarus prezidenti Aleksandr Lukaşenko Ermənistanın Fransa ilə təmaslarını şərh edərkən deyib.

“Heç kim hər kəsi çiynində daşıyacaq deyil. Fransada baş verləri görürsünüz. Ona görə də İrəvandakı siyasətçilər ayılmalı və xalq dilində desək, əllərində olanı itirməməlidirlər”, - Lukaşenko Ermənistan tövsiyə bildirib. 

O eyni zamanda ermənilərə tələsməməyi tövsiyə edib və bildirib ki, zaman çox şeyi dəyişir: “Ermənistan və Azərbaycan ətrafında yaranan vəziyyət də dəyişəcək. Ümumiyyətlə, dünya dəyişəcək. Ona görə də Ermənistan, Belarus və başqaları kimi kompakt kiçik dövlətlərin qəfil hərəkətlərə ehtiyacı yoxdur. İncə buz kimidir, sındı batacağıq, heç kim onu xilas edə bilməyəcək. Əksinə, səni ayaqları ilə itələyəcəklər ki, orada boğulasan. Ermənilərin tələsməsinə ehtiyac yoxdur. Mənə elə gəlir ki, Nikol Vovayeviç sadəcə tələsdi və emosional açıqlama verdi”.

Mürtəza
Ölkə.Az