SOCAR BP ilə müqavilənin müddətini artırmaqda maraqlıdır

SOCAR-ın BP şirkəti ilə bağlanılan müqaviləsinin vaxtı 2024-cü ildə başa çatacaq.

Bu sözləri bu gün keçirilən biznes forumda Dövlət Neft Şirkətinin (SOCAR) vitse-prezidenti Xoşbəxt Yusifzadə bildirib.

Onun sözlərinə görə, məsələ ilə əlaqədar SOCAR-ın iki variantı var:

“Bir var biz başqa şirkət ilə işləyək, bir də var, BP özünün əməkdaşlıq etdiyi şirkətlərlə mövcud işləri davam etdirsin. İkinci variant daha realdır.

BP uzun müddətdir Azərbaycanda işləyir və yataqların işlənməsi ilə bağlı daha çox bilir. Bu şirkətin başqası ilə əvəzlənməsi isə mürəkkəb məsələdir. Danışıqlar gedir. Biz məsələni ilin axırına kimi həll etməyi planlaşdırırıq”- deyə, vitse-prezident əlavə edib.oxu.az

Ölkə.Az