SOCAR kəşfiyyat işlərini dayandırıb

Növbəti il üçün neft hasilatını hazırda olan səviyyədə saxlasaq bu, böyük qəhrəmanlıq olacaq.

Bu sözləri Dövlət Neft Şirkətinin (SOCAR) vitse-prezidenti Xoşbəxt Yusifzadə Caspian European Club-ın təşkilatçılığı ilə keçirilən biznes forumda jurnalistlərə bildirib.

X.Yusifzadə qeyd edib ki, ölkədə neftin səviyyəsini stabil saxlamaq üçün yeni neft yataqları kəşf edilməlidir:

“Ölkədə neftin səviyyəsini stabil saxlamaq üçün gərək təzə neft yataqları kəşf edilsin. Bu gün bizim ən böyük çatışmazlığımız üzən qazma qurğularının olmamasıdır. Faktiki olaraq kəşfiyyat dayanıb. Biz bir çox yataqlarda üzən qazma qurğularının tətbiq edilməsi üçün gözləyirik.

Üzən qazma qurğularının olmamasından əziyyət çəkməyimizin əsas səbəbi odur ki, kəşfiyyat aparan üzən qazma qurğularımızın BP 3-də özündə saxlayıb. Sualtıqazma dəb olduqdan sonra bizim kəşfiyyat işlərimiz yubanıb”.

“BP ilə olan müqavilənin vaxtı uzadıldıqdan sonra, köhnə platformalar müəyyən qədər genişlənə və artıq quyular qazıla bilər. Bununla belə, əgər BP bizimlə işləmək istəməsə o zaman onun qabağında yeni quyuların qazılması və s. ilə bağlı şərt qoymaq çətin olacaq” - deyə, vitse-prezident qeyd edib.oxu.az

Ölkə.Az