10 il əvvəl 9-cu sinifi bitirən şəxs kolleclərə imtahanı necə verə bilər? - RƏSMİ

Yayılan bəzi iddialara görə, 9-cu sinif bazasından kolleclərə imtahan verən şəxslər üçün yeni tələb qoyulub. Belə ki, bu tələbə əsasən, məktəbi 10 ildən artıq vaxt ərzində bitirmiş şəxslər yenidən buraxılış imtahanında iştirak etməklə, öz attestatlarını yeniləməlidir. 
Bu məlumatlar həqiqəti əks etdirirmi? Həmin şəxslər yenidən imtahan verməlidir?

Bu barədə Valyuta.az-a açıqlama verəm Dövlət İmtahan Mərkəzinin mətbuat xidmətinin rəhbəri Xanlar Xanlarzadə bildirib ki, hazırda bununla bağlı hansısa bir qanun yoxdur:

"Ölkəmizdə tələbə qəbulu qaydaları var, bu qaydaları da Nazirlər Kabinetinin qərarı ilə tənzimlənir. Həmin qərarda isə bu məsələ ilə bağlı bənd yoxdur. Məktəbi bitirdiyin ildən asılı olmayaraq, 9-cu sinif təhsil bazasından kollecə qəbul olmaq üçün əvvəl şəhadatnamə, indi isə attestat adlandırılan sənədlə imtahanda iştirak etmək olar. 11-ci sinif təhsili bazasından da kolleclərlə qəbul olmaq istəyən şəxslər tam orta təhsil haqqında sənədi təqdim etməklə imtahanda iştirak edə bilərlər".