Natavandan Aygün haqda

Tanınmış müğənni Natəvan Həbibi iki ay yarımlıq Türkiyə istirahətindən sonra "İncə sənət" verilişində xalq artisti Aygün Kazımova barədə danışıb.

Ölkə.Az xəbər verir ki, sənətçi Aygün Kazımova ilə məhkəmə çəkişməsində qalib gəldikdən sonra özünü rahat hiss etdiyini söyləyib:

"Artıq yaxınlarımın üzünə rahat baxa bilirəm. Deməsinlər ki, sənin şou biznesinin axırıncı adamları bizə ləkə yaxdı. Yuxusunda görər ki, Natəvan əyilər, ona bəh-bəhlə baxar, yaxud uduzar. Mən onun ətrafındakılar kimi olmaram. Natəvanı sındırmaq istəyir, ancaq hələ ki, Natəvan sındırır, biabır edir, üstünə gedir. Ölkədən çıxışına qadağa qoyulub, amma təkzib edir. Ölkənin xalq artistisən. Deyirsən ki, yuxusunda görər. Məhkəmənin, hakimin qərarı respublikanın qərarı deməkdir. Nə qədər savadsız, düşüncəsiz olmalısan ki, belə şeylər deyəsən. Aygün Kazımovanın sözü ağırdır, yoxsa hakimin? Aygünün yuxulu danışıb dedikləri ağırdır, yoxsa məhkəmənin möhürlü qərarı? Bu elə-belə kağız deyil, məhkəmə qərarıdır".

Sənətçi ətrafındakı ikiüzlü insanlardan da danışıb:

"İndi elə şeylər baş verir ki, baxıb deyirsən siz nə gündəsiz? Dəfələrlə belə şeylər olub da. Elə biliblər ki, Aygün Kazımova qalib gələcək. Amma görəndə ki alınmadı, qayıdıblar (gülür). Əgər üzr istəməsə, həbs olunur. Üzr istəmədikcə yenə həbs olunur. Mən bağışlasam, qərar ləğv oluna bilər. Amma bu mümkün deyil. Hara getsələr, axıra kimi gedəcəyəm. Allaha qurban olum, heç yerdə bu adam mənə heç nə edə bilmir. Allahdan, qismətdən mənimlə nəsə olanda biabır olur. Sataşır, pərt olur".

Qeyd edək ki, Natəvan Həbibinin iddiası əsasında Aygün Kazımovanın üzr istəməsi barədə qərar çıxarılıb. Xalq artisti məhkəmənin qərarına əməl etmədiyinə görə ölkədən çıxışına qadağa qoyulub.

İntiqam VALEHOĞLU
Ölkə.az