Azyaşlının komaya düşdüyü iddia olunan xəstəxanadan AÇIQLAMA

Bakıda 11 yaşlı qızın dişinə plomb qoyulmazdan ona verilən narkoz nəticəsində komaya düşdüyü iddia edilirdi.

Ölkə.Az xəbər verir ki, hadisənin qeydə alındığı deyilən Bakı Sağlamlıq Mərkəzi (BSM) isə ötən həftə vəziyyətlə bağlı açıqlama verəcəyini bəyan etmişdi.

Artıq hadisədən günlər keçməsinə baxmayaraq heç bir rəsmi açıqlama yoxdur.

Bakı Sağlamlıq Mərkəzindən Ölkə.Az-ın sorğusuna cavab olaraq bildirilib ki, istintaq sirri olduğundan heç bir məlumat verilə bilməz:

"Hazırda Baş Prokurorluqda məsələ ilə bağlı istintaq gedir. Bu da istintaq sirri olduğundan detallı açıqlama verə bilmirik. Zərurət yaranarsa, bununla bağlı paylaşım edəcəyik" - mərkəzin cavabında deyilir.

Qeyd edək ki, Zamin Babayev adlı vətəndaşın 11 yaşlı qızına BSM-də müayinədən əvvəl yüksək dozada narkoz verildiyi iddia edilir. Bundan sonra azyaşlının komaya düşdüyü söylənilir.

Billurə