Zelenskayadan Baydenə rədd cavabı

Ukraynanın birinci xanımı Yelena Zelenskaya Ağ Evdən ABŞ prezidenti Co Baydenin bu cümə axşamı Konqresdə çıxışında iştirak etmək dəvətini rədd edib. 

Ölkə.Az xəbər verir ki, onun dəvəti rədd etməsinin səbəbi birinci ledinin rusiyalı müxalifət lideri Aleksey Navalnının dul həyat yoldaşının yanında əyləşdirmək istəkləri olub.

“The Washington Post”un yazdığına görə, Yelena Zelenskayanı Cill Bayden və Yuliya Navalnayanın yanında oturması planlaşdırılıb. 

Ağ Ev rəhbərliyi hesab edib ki, Rusiya prezidenti Vladimir Putinə müqavimət simvolu olan hər iki qadının iştirakı prezident Baydenin Konqresin birgə iclasındakı çıxışı üçün güclü effekt yaradacaq.

Nəşrin yazdığına görə, Navalnayanın potensial iştirakı Kiyevdə diskomfort yaradıb: "Bəzi ukraynalılar onun mərhum ərini Putin rejiminə qarşı mübarizədə lider hesab etsələr də, ilhaq edilmiş Krımla bağlı qalmaqallı açıqlamaları Navalnının reputasiyasına kölgə salır".

Qeyd edək ki, hər iki xanım Ağ Evin bu təklifini rədd edib.

Ağ Evdən bildiirlib ki, Navalnaya da yorğunluq səbəbindən Baydenin çıxışına qatılmaqdan imtina edib.

Mürtəza
Ölkə.Az