Rusiyada İES-də güclü partlayış olub - yaralananlar var - VİDEO

Rusiyanın Tuva Respublikasının Uluq-Xem rayonundakı Şaqonarskaya İstilik Elektrik Stansiyasında (İES) güclü partlayış baş verib və nəticədə çox sayda insan yaralanıb. 

Ölkə.Az xəbər verir ki, partlayışdan sonra yaranmış durumla bağlı hakimiyyət orqanları ərazidə fövqəladə vəziyyət elan ediblər.

Güclü yanğınla müşayiət olunan partlayışa səbəb isə kömür tozunun partlaması olub.

Məktəblərdə dərslər dayandırılıb, mərkəzi istilik sistemi də söndürülüb.

TASS-ın məlumatına görə, Şaqonar şəhər administrasiyasının sədri Buyan Balbak bildirib ki, partlayış zamanı qazanxanada 21 nəfər işləyirmiş və qazanxananın işi dayandırılıb. 

O əlavə edib ki, xəsarət alan 18 nəfərdən 6-sının vəziyyəti ağırdır. "Qalan 3 nəfərin axtarışı davam etdirilir”, - deyə o bildirib.

Sonradan bildirilib ki, qazanxanada işləyən 21 nəfərin hamısı ərazidən çıxarılıb. 

Fövqəladə hadisənin nəticələrinin aradan qaldırılmasına 26 texnika və 100-dən artıq canlı qüvvə cəlb olunub.

Mürtəza
Ölkə.Az