Lənətli selfi: O fotodan sonra başlarına gəlməyən qalmadı
Ellen Dedceneres 2014-cü ildə "Oskar" mükafatlandırma mərasimində paylaşdığı və dünyanın ən məşhur adlarının yer aldığı foto "lənətli selfi" adlandırılır.
Ölkə.Az "hürriyet"ə istinadla xəbər verir ki, buna səbəb həmin fotodakı ulduzların 10 ildir müxtəlif qalmaqallar, uğursuz layihələr və ya şəxsi həyatlarında yaşadıqları problemlərlə tez-tez gündəmə gəlmələridir.
19 illik verilişi bitdi
Ellen Dedceneres illərdir davam edən verilişi zamanı pərdəarxasında işçilərə pis münasibət və təzyiq göstərməsi barədə xəbərlərlə uzun müddət manşetlərdən düşmədi.
Bundan sonra 19 yaşlı "Ellen DeGeneres Show" 2022-ci ildə başa çatdı.
Cinsi istismar qalmaqalı
Ustad aktyor Kevin Speysi "Me Too" həştəqi ilə başlayan ifşa kampaniyası bir çox insana qarşı cinsi qısnama və hətta zorlamada ittiham edildi.
Əfsanəvi aşiqlər bir-birinə düşmən kəsildi
Hollivudun ən çox bəyənilən cütlüklərindən olan Bred Pitt və Ancelina Coli "Oskar selfi"sindən iki il sonra yollarını ayırdı. Məşhur cütlük nəinki boşandı, hətta belə demək mümkünsə, qanlı-bıçaqlı düşmənə çevrildi.
45 illik evlilik sona çatdı
Hollivudun ən uğurlu simalarından olan Meril Stripin 2017-ci ildən bəri 45 illik həyat yoldaşı Don Qummerdən ayrıldığı üzə çıxdı.
Oskara qovuşa bilmədi
Bredli Kuper 2014-cü ildə ikinci dəfə Oskar mükafatına namizəd olub. Bu nominasiyadan sonra Kuper daha 10 dəfə mükafata namizəd olsa da, təəssüf ki, heç birində heykəlcik ala bilmədi.
Uğursuz layihələr
Dövrün ən diqqətçəkən adlarından biri olan Culia Roberts 2014-cü ildən bəri heç bir uğurlu layihədə iştirak edə bilməyib.
Billurə