Paşinyan istədiyini ala bilmədi: Xərclədiyi pullara məyus oldu

Ermənistanın baş naziri Nikol Paşinyan martın 8-də parlamentdə hakim "Vətəndaş Müqaviləsi"nin nümayəndələri ilə qapalı görüşdə Misirə iki günlük rəsmi səfərdən məyus olduğunu gizlətməyib.

Ölkə.Az “Hraparak”a istinadən xəbər verir ki, hakimiyyət Paşinyanın səyahətinə müəmmalı və həddindən artıq əhəmiyyət verməyə çalışıb, hətta silah alqı-satqısına dair sövdələşmənin müzakirəsinin mümkünlüyü barədə şayiələr də yayıb.

Lakin “Vətəndaş Müqaviləsi” ilə görüşdə baş nazir səfəri adi adlandırıb və hətta bu səfərdən dövlət vəsaitinin israf edilməsindən başqa heç nə gəlmədiyindən məyus olduğunu da gizlətməyib.