Avroliqanın və ÇL-nın finalı hansı şəhərlərdə keçiriləcək?
Çempionlar Liqasının, Avroliqanın və UEFA superkubokunun 2016-2017-ci illər mövsümünün final oyunu üçün nəzərdə tutulan şəhər və stadionların adı açıqlanıb.
Ölkə.Az-ın UEFA-nın rəsmi saytına istinadən verdiyi məlumata görə, final qarşılaşması Uelsin paytaxtı Kardiff şəhərində yerləşən "Millenium" stadionunda baş tutacaq. 1999-cu ildə tikilən stadion 74 500 tamaşaçı tutumuna malikdir. Xatırladaq ki, bu, Kardiffdə keçiriləcək ilk final deyil. Belə ki, 2014-cü ilin UEFA superkuboku oyunu da bu şəhərin "Kardiff siti" stadionunda keçirilib.
Saytda qeyd olunur ki, Avropa liqasının final qarşılaşması İsveçin paytaxtı Stokholmda, 50 min tamaşaçı tutumuna malik "Frends Arena"da, Avropa Superkubokunun finalı isə Makedoniyanın paytaxtı Skopyedə, 36 400 nəfər azarkeş tutumuna malik "II Filip" arenasında keçiriləcək.
Ölkə.Az
