Çempionlar Liqası: 1/4 finalçılar məlum oldu
UEFA Çempionlar Liqasının 1/8 final mərhələsində son iki cavab oyunu keçirilib.
“Ölkə.Az”ın məlumatına görə, İspaniyada İtaliyanın “İnter” klubunu qəbul edən “Atletiko” penaltilər seriyasında rəqibini məğlub edib.
Almaniya “Borussiya”sı isə doğma meydanda Niderland təmsilçisi PSV-yə qalib gələrək mərhələni adlayıb.
Beləliklə, “Atletiko”, “Borussiya”, “Real”, “Barselona”, “Mançester Siti”, “Arsenal”, “Bavariya” və PSJ növbəti mərhələyə yüksəliblər.
UEFA Çempionlar Liqası
1/8 final mərhələsi, cavab oyunları
13 mart
“Atletiko” (İspaniya) – “İnter” (İtaliya) 2:1
Qol: Qrizman, 35, Depay, 87 – Dimarko, 33
Penaltilərlə 3:2
Baş hakim: Şimon Marçinyak (Polşa).
Madrid, “Metropolitano” stadionu
İlk oyun - 0:1.
“Borussiya” (Dortmund, Almaniya) – PSV (Niderland) 2:0
Qollar: Sanço, 3, Roys, 90+5
Baş hakim: Daniele Orsato (İtaliya).
Dortmund, “Siqnal İduna Park” stadionu
İlk oyun - 1:1.
