Hökumət onlara əlavə müavinətin verilməsi məsələsinə baxsın - Komitə sədri

“Minimum həddə əmək pensiyası alan pensiyaçıların sosial müdafiəsinin daha da gücləndirilməsi üçün onlara ildə iki dəfə bayramlar münasibəti ilə əlavə müavinət verilməsi imkanına baxılsın”.

Ölkə.Az xəbər verir ki, belə bir təkliflə Milli Məclisin Əmək və sosial siyasət komitəsinin sədri Musa Quliyev parlamentdə hökumətin illik hesabatının müzakirəsi çıxış edib.

Komitə sədri eyni zamanda şəhid övladlarının təhsil güzəştinə tətbiq edilən yaş məhdudiyyətinin götürülməsini təklif edib.

Deputat Bakı-Gəncə-Ağstafa sürət qatarından qərb bölgənin əhalisinin daha səmərəli istifadəsini təmin etmək üçün biri Bakıdan, digəri Ağstafadan səhər çıxmaq və axşam geri qayıtmaq şərti ilə bu xəttə hər gün 2 qatar buraxılması fikrini də irəli sürüb.

“Mən hökumətimizin 2023-cü ildəki fəaliyyətini qənaətbəxş hesab edir, hökumətimizə bu mürəkkəb və məsuliyyətli dövrdə uğurlar arzulayır, inanıram ki, cənab Prezident İlham Əliyevin rəhbərliyi ilə biz qısa müddət ərzində qarşıya qoyulan bütün məsələlərin həllinə nail olacağıq”, - komitə sədri deyib.

Mürtəza
Ölkə.Az