\"Heç xəstəxanada yatmayıb, özü sensasiya yaratmağı xoşlayır\" - Namiq Məna oğlundan danışdı

Meyxanaçı Namiq Məna oğlu Məna Əliyevin xəstəxanaya yerləşdirilməsi barədə yayılan xəbərlərə aydınlıq gətirib.

Ölkə.az-ın məlumatına görə, N.Məna Pravda.az-a açıqlamasında deyib ki, oğlunun səhhətində ciddi heç nə yoxdur:

“Məna burnundan əməliyyat olunub. Yarım saatlıq xırda əməliyyat idi. Heç xəstəxanada yatmayıb axı. Bir-iki saat orada olub. Nəfəs almasında çətinlik var idi. Ürəyi taxikardiya verirdi. Buna görə əməliyyat keçirdi. Özü bir az belə şeyləri xoşlayır, guya, sensassion bir şeydir”.