Rusiya MSK yekun nəticələri AÇIQLADI: Putin qalib oldu
Rusiya Mərkəzi Serçki Komissiyası ölkədə martın 17-də keçirilən prezident seçkilərinin yekun nəticələrini açıqlayıb.
Ölkə.Az xəbər verir ki, seçkinin yekun nəticələri barədə RF Mərkəzi Seçki Komissiyasının sədri Ella Pamfilova məlumat verib.
O bildirib ki, prezident seçkilərində seçicilərin 87,28%-i və ya 76 milyon 277 min 708 nəfəri Vladimir Putinə səs verib.
Kommunist Partiyasının namizədi Nikolay Xaritonov 4,31% və ya 3 milyon 768 min 470 səs toplayıb.
“Yeni İnsanlar”ın nümayəndəsi Vladislav Davankov 3,85% və ya 3 milyon 362 min 484 səs toplayıb.
LDPR-nin namizədi Leonid Slutskiyə 3,2% və ya 2 795 629 seçici səs verib.
O qeyd edib ki, prezident seçkilərində yekun seçici fəallığı 77,49 faiz təşkil edib. MSK əvvəllər seçici fəallığını 77,44% adlandıraraq bunun rekord göstərici olduğunu qeyd edib. Seçkidə ümumilkdə 87 milyon 576 min 75 nəfər səs verib.
Mürtəza
Ölkə.Az
