Kürdə batan şəxsin cəsədi tapıldı

Çayda batan 52 yaşlı Heydərağa Mirzəyevin axtarışları başa çatıb

19 iyul 2014-cü il tarixində Kür çayının Salyan rayonu ərəzisindən keçən hissəsində batan 1962-ci il təvəllüdlü Mirzəyev Heydərağa Həsənağa oğlunun axtarışları başa çatıb.

FHN-in Böhran Vəziyyətlərində İdarəetmə Mərkəzinə daxil olmuş məlumata əsasən H.Mirzəyevin cəsədi batdığı yerdən 2 km aralıda, ən yaxın xilasetmə məntəqəsindən təxminən 80-90 km aralıda, nəzarət olunmayan ərazidə “Salyan” sularda xilasetmə məntəqəsinin xilasediciləri tərəfindən tapılaraq çıxarılıb və aidiyyəti üzrə təhvil verilib. (anspress)