Bətnindəki körpəsini satışa qoydu

Dolanışığını təmin edə bilmədiyini deyən və özlərini valideyn kimi təqdim edən şəxslər övladlarını satışa çıxarıb.

Ölkə.Az xəbər verir ki, Türkiyədə valideyn olduğunu deyən şəxslər 40 günlük və ana bətnindəki körpələri elan saytında satışa qoyub.

Türkiyəli jurnalistlər elanı verən şəxslərlə ünsiyyətdə olub. Onlardan biri Samsunda yaşadığını bildirib:

"Məndə 40 günlük qız uşağı var. Ödəniş tələbimi qarşılayana uşağı övladımı himayətə verirəm. 100 min lirə (təxminən 5300 AZN) istəyirəm. Pul hesabıma köçəndə mən də uşağı götürüb ayağınıza qədər gələrəm. Şərtimi ciddi qəbul etməyən birinə nömrəmi vermirəm" - elanı yerləşdirən şəxs deyib.

Sözügedən saytda daha bir valideyn isə hələ doğulmayan körpəsi haqda məlumatları yerləşdirib. 9 aylıq hamilə olduğunu deyən əcnəbi qadın Türkiyədə yaşayış icazəsi olmadığını və uşağı verikdən sonra ölkəsinə qayıdacağını deyib:

"170 min lirəyə (təxminən 9000 AZN) razılaşdıq. Hər şey həll olunub. Sadəcə doğuşdan sonra sənədləşməni ailə necə istəsə, elə edəcək".

Billurə