Yardım olmasa, Ukrayna müharibəni uduzacaq - Barros

İki illik tammiqyaslı müharibədə Ukrayna Silahlı Qüvvələri ABŞ və Avropa müttəfiqlərinin göstərdiyi müdafiə yardımı sayəsində dayana bilib. Bununla belə, Rusiya son vaxtlar cəbhədə müəyyən irəliləyiş əldə edib, Ukrayna isə artıq Vaşinqtondan kömək ala bilməyəcəyi ehtimalı ilə üzləşməyə başlayıb.

"Ölkə.az" xəbər verir ki, bunu ABŞ-ın Müharibənin Öyrənilməsi İnstitutunun geoməkan kəşfiyyat qrupunun rəhbəri Corc Barros deyib.

“Bu, olduqca dəhşətli, olduqca ciddidir. Ukraynalılar özlərini daha uğurla müdafiə etmək üçün lazım olan şeylərə sahib deyillər. Ukraynanı dəstəkləyən kollektiv Qərb koalisiyası zəmanət verib ki, biz Ukraynanı kifayət qədər təmin edəcəyik və onları aclıqda saxlamayacağıq. Amma ukraynalılar bu kritik yardımı əldə etməsələr, düşünürəm ki, rusların 2024-cü ildə böyük bir irəliləyiş əldə edə bilməsi ehtimalı yüksəkdir”, - Barros bildirib.