“Meqa Sığorta”nın kapitalı azalıb - 3,2 milyon dividend ödəyib

“Meqa Sığorta” ASC 2023-cü ilin yekunları üzrə maliyyə hesabatını açıqlayıb.

“Ölkə.Az”ın məlumatına görə, sözügedən dövrə sığorta şirkətinin cəmi aktivləri 51 mln 713min manat olub ki, bu da hesabat ilinin əvvəli ilə müqayisədə 18,8% çoxdur.

“Meqa Sığorta”nın cəmi öhdəlikləri 70,4% artaraq ötən ilin sonunda 22 mln 354 min manat olub. 

Nizamnamə kapitalı 23 mln manat olan sığorta şirkət 3,2 mln manat dividend ödəyib və mənfəətinin 349 min manatını istifadə edib. Nəticədə, şirkətin bölüşdürülməmiş mənfəəti 14% azalaraq 6 mln 359 min manata enib. Bu isə cəmi kapitalının il ərzində 3,4% azalaraq 29 mln 359 min manat enməsinə səbəb olub.

Ötən ilin yekununda “Meqa Sığorta” ASC-nin cəmi gəlirləri 29 mln 48 min manat, cəmi xərcləri 25 mln 909 min manat təşkil edib. 623 min manat vergi ödəyən şirkət ötən ili 2 mln 515 min manat xalis mənfəətlə başa vurub.

Könül
Ölkə.Az